GWYBODAETH DIOGELWCH

• Mae Castell Caerdydd yn derbyn yn llawn ei gyfrifoldebau dan Ddeddfwriaeth Iechyd a Diogelwch. Mae Polisi Iechyd a Diogelwch sy’n cynnwys asesiadau risg ysgrifenedig a wnaed mewn cysylltiad â’r dyletswyddau cyfreithiol sydd arnom mewn perthynas â phobl nad ydyn nhw’n gyflogeion i ni (h.y. ymwelwyr) sy’n dod ar ein safle ac yn defnyddio ein cyfleusterau.
• Mae eich iechyd a diogelwch tra byddwch ar ein safle yn hollbwysig i ni. Fel lleoliad a weithredir gan Gyngor Caerdydd, mae gennym ganllawiau llym rydym yn cydymffurfio â nhw ac rydym wedi gweithio’n agos â’n Swyddog Iechyd a Diogelwch Ysgolion er lles ein holl ymwelwyr ac i sicrhau bod eich ymweliad yn brofiad addysgol hwyl, a llawn mwynhad.
• Rydym yn gweithredu polisi ar gyfer recriwtio staff, hyfforddiant ac asesiad, sy’n sicrhau bod yr holl staff, sydd â chyfrifoldeb dros ddiogelwch a lles ymwelwyr / cyfranogwyr, yn gymwys i gyflawni’r dyletswyddau a ddyrannir iddynt. Caiff holl staff y Castell hyfforddiant Gofal Rhag Tân a Gadael Safle ac Iechyd a Diogelwch.
• Rydym yn gofyn bod athrawon ac arweinwyr grŵp yn gweithio gyda staff y Castell i oruchwylio plant bob amser.

Rhoddir gwybod i ysgolion y manylion canlynol, a fydd yn cynorthwyo asesiad risg “ymweliad addysgol” eich ysgol chi at ddibenion eich ymweliad. SYLWER NAD YW’R cyfarwyddiadau hyn yn cymryd lle asesiad risg unigol, sy’n ofyniad gan bob AALl.

• Mae’r lleoliad yn agored i’r cyhoedd ers 1947 ac mae’n Atyniad i Ymwelwyr â Sicrwydd Safon dan gynllun VAQAS Bwrdd Croeso Cymru.
• Yn 2007, 2012 a 2017, cafodd y Gwasanaeth Addysg yng Nghastell Caerdydd Wobr Sandford ar gyfer Addysg Dreftadol. Mae hon yn cydnabod rhagoriaeth cyfleusterau a darpariaeth gweithgareddau addysgol yn y lleoliad.
• Mae Castell Caerdydd hefyd yn ddeiliad Bathodyn Ansawdd Dysgu y Tu Allan i’r Ystafell Ddosbarth (cyf: R1QB 104035. Dod i ben 16.06.23)

• Mae’r lleoliad yn cynnig cyfle i ymwelwyr ddarganfod 2000 mlynedd o hanes yng nghanol y ddinas. Gall disgyblion ddysgu am wladychwyr Rhufeinig a meddianwyr o Normandi, gweld yr addurniadau crand Fictoraidd gan William Burges neu ddysgu am sut defnyddiwyd muriau’r Castell fel lloches rhag cyrchoedd awyr yn ystod yr Ail Ryfel Byd.
• Mae’r ymweliad arferol yn para tua 3.5 – 4 awr, sy’n rhoi amser am daith dywys y tu mewn, sesiwn yn y Ganolfan Addysg, amser am ginio, ymweliad â’r Gorthwr Normanaidd gan ddefnyddio’r Canllaw Sain, mynediad i’r Bylchfuriau a Lawnt y Castell ac ymweliad â’r Llochesi Rhyfel.
• Mae taith glywedol ar gael yn Gymraeg a Saesneg ac mae canllaw yn arbennig i blant yn y ddwy iaith. Gellir ei lawrlwytho ymlaen llaw.
• Mae hefyd Amgueddfa Filwrol yn y Ganolfan Ddehongli, sy’n cael ei chynnal yn annibynnol. Caiff hon ei rheoli ar wahân ac nid yw’n rhan o Wasanaeth Addysg y Castell.

• Yn flynyddol, rydym yn croesawu tua 300,000 o ymwelwyr a thua 23,000 o ymwelwyr ysgol domestig.

• Ystyrir bod y lleoliad yn addas ar gyfer disgyblion o bob oedran. Mae rhywbeth yn y Castell i bob cyfnod allweddol.

• I drefnu ymweliad ysgol, ffoniwch y Swyddog Addysg ar 029 2087 8110.
• Mae rhagor o wybodaeth ar gael ar ein gwefan – www.castell-caerdydd.com.
• Rydym yn edrych ymlaen at eich croesawu chi; fodd bynnag, os ydych chi am drafod agweddau ar eich ymweliad neu hoffech drefnu ymweliad cyn dod, mae croeso i chi gysylltu â’r Swyddog Addysg – Elizabeth Stevens ar 029 2087 8110 neu 029 2087 8100 neu e-bost EStevens@caerdydd.gov.uk
• Rydym yn argymell ymweliad yn fawr os yw’n bosibl – yn enwedig ar gyfer y grwpiau a fydd yn defnyddio’r Ganolfan Addysg.

• Mae gan y lleoliad rif ffôn mewn argyfwng ar gyfer ymwelwyr, os oes angen cymorth arnynt tra eu bod ar y safle. Sylwer mai 07970 127657 yw’r rhif a bod staff ar gael yn ystod yr oriau agor.
• Os oes gennych chi bryderon ar ôl eich ymweliad, neu os ydych yn cael unrhyw broblemau o ran rheolaeth y lleoliad neu iechyd a diogelwch aelodau’ch grŵp, mae croeso i chi drafod y rhain â ni.

Ffôn: 029 2087 8100
E-bost: castellcaerdydd@caerdydd.gov.uk

• Mae Lawnt y Castell ar agor ar hyn o bryd fel “Sgwâr Cyhoeddus” a chaniateir cŵn os ydyn nhw’n cael eu cadw ar dennyn. Gofynnir i’r perchogion lanhau ar ôl eu cŵn.

• Mae gan holl staff y lleoliad gymhorthion cyfathrebu a byddant yn fodlon cynorthwyo ag unrhyw ymholiadau.

• Mae disgwyl i’r grwpiau fod yng nghwmni athrawon trwy’r amser. Felly, ni ddylai staff y castell fod mewn sefyllfa lle maent yn gweithio’n unigol gyda phlant. Cymerir pob dull rhesymol i sicrhau bod staff y lleoliad a allai fod ar eu pennau eu hunain gyda disgyblion neu mewn cysylltiad sylweddol â phlant wedi cael profion y GDG.

• Gwaherddir dringo coed ac ar waliau yn y lleoliad.
• Darbwyllwch y plant rhag dringo’r canonau a’r gynnau maes rhag ofn iddynt syrthio.
• Mae llwybrau cobls mewn sawl ardal ar y safle, yn ogystal â nifer o beryglon baglu, y dylech fod yn wyliadwrus yn eu cylch.
• Mae ‘graean clymedig’ o flaen y Ganolfan Ddehongli a’r rhan fwyaf o’r dramwyfa. Er bod plant yn llai tebygol o sgidio ar hyd yr arwyneb hwn na graean rhydd, os syrthiant arno, cânt friw cas.
• Felly, rydym yn gofyn i chi sicrhau nad yw plant yn rhedeg ar hyd yr arwyneb hwn. Mae croeso iddyn nhw ladd egni ar y glaswellt ond byddem yn gofyn nad ydynt yn chwarae gemau pêl o flaen y tŷ. Gellir defnyddio’r ardal laswellt fwy ar gyfer hynny.

• Mae gweithdrefn gadael mewn argyfwng ar waith. Mae holl staff y lleoliad yn gyfarwydd â hon.
• Bydd aelod o staff gyda grŵp bob amser, a bydd yn arwain proses adael yr adeilad os oes angen. Y Ganolfan Addysg yw’r unig eithriad oherwydd ei bod yn bosibl y gadewir athrawon gyda’u grwpiau yn y ganolfan heb gymorth aelod o staff, e.e. wrth fwyta cinio yno. Fodd bynnag, bydd aelodau o staff gerllaw a fydd yn helpu mewn achos annhebygol o argyfwng.
• Mae Hysbysiadau gadael yr adeilad ar ddangos yn y Ganolfan Addysg. Rydym yn eich cynghori i ymgyfarwyddo â’r rhain ac annog eich cydweithwyr i wneud yr un peth ar ddechrau’r sesiwn.
• Os oes angen gadael yr adeilad, ewch i’r glaswellt y tu allan i’r Ganolfan Addysg oni chewch gyfarwyddyd yn dweud yn wahanol gan aelod o staff y Castell. Mae’n bwysig cadw’r holl ardaloedd yn y dramwyfa yn glir rhag ofn bod angen i injan dân ddod.
• Os clywch y larwm, rhaid i’r holl ymwelwyr fynd i’r Man Ymgynnull penodol. Gadewch yr holl gotiau a bagiau yn yr ystafelloedd ac annog y plant i aros yn dawel a pheidio â rhedeg na gwthio’r rhai o’u blaenau.
• Os seinia larwm pan ydych yn defnyddio’r Ganolfan Addysg, gofynnwn i chi geisio clirio Ystafell Ceidwad y Tŷ (Ystafell 1) yn gyntaf er mwyn gwneud lle i bobl sydd yn Ystafell y Stiward (Ystafell 2) gael mynd allan. Daw aelod staff i sicrhau nad oes unrhyw un ar ôl yn yr ystafell nac ardal y toiledau.
• Os ydych yn defnyddio lle cinio dan do, fel yr Is-grofft neu’r Bar, neu doiledau’r Ganolfan Addysg, dilynwch yr arwyddion allanfa dân gwyrdd i ddod o hyd i’ch ffordd allan ac ymgynnull ar y glaswellt o flaen y prif adeilad. Bydd angen i grwpiau yn nhoiledau’r Is-grofft a’r Ganolfan Addysg ganiatáu i ddosbarthiadau eraill o’r Ganolfan Addysg ymadael yn gyntaf. Bydd aelod o staff yn dod i wirio’r ardaloedd i sicrhau bod pawb wedi gadael.
• Pan fyddwch yn y mannau ymgynnull, cyfrwch aelodau eich grŵp a rhoi gwybod i aelod o staff yn syth os oes rhywun ar goll.

• Mae’r lleoliad yn ceisio ateb gofynion ymwelwyr ag anghenion ychwanegol. Rhaid i ysgolion ac arweinwyr partïon sicrhau bod trefniadau addas ar waith er mwyn rhoi goruchwyliaeth a chymorth addas i ddisgyblion ag anghenion ychwanegol.
• Nam corfforol – Mae mynediad i gadeiriau olwyn yn bosibl i’r Ganolfan Addysg a’r Is-grofft, ond mae llawer o risiau i fynd i’r prif adeilad a’r Gorthwr, gyda llawer o lefelau gwahanol a drysau cul o fewn yr adeilad. Felly, yn anffodus, nid yw’r ardaloedd hyn yn hygyrch i’r rhai sydd ag anawsterau symudedd.
• Mae lifft yn y Ganolfan Ddehongli, sy’n rhoi mynediad i’r Bylchfuriau a’r Llochesi Cyrchoedd Awyr ac mae modd mynd i’r rhain ar hyd llwybr llethr hefyd.
• Nam ar y Golwg – Lle bynnag y bo modd o fewn terfynau’r hyn a ganiateir mewn adeilad hanesyddol, mae ymylon y grisiau yn y lleoliad wedi’u gwneud yn fwy amlwg gyda phaent gwyn ar bob gris y gellir ei baentio. Gallai fod rhai grisiau heb eu paentio o hyd oherwydd natur yr adeilad. Mae lefel y goleuo yn yr ardaloedd y tu mewn yn dda’n gyffredinol.
• Mae casgliadau trin â llaw yn nwy ystafell y Ganolfan Addysg a gellir trefnu taith wedi ei haddasu’n arbennig y tu mewn i’r Castell ar gais. Mae fersiwn o’r Canllaw Sain sydd wedi’i ysgrifennu’n arbennig ar gyfer y rhai â nam ar eu golwg.
• Nam ar y clyw – Rydym yn argymell eich bod yn rhoi gwybod i staff Caerdydd wrth gyrraedd y Castell os oes rhywun â nam ar y clyw yn eich grŵp er mwyn i staff allu ceisio helpu pan fo’n bosibl. Mae cylch clywed yn y Ganolfan Addysg. Rhowch wybod i’r Swyddog Addysg os ydych chi am ddefnyddio’r cylch. Mae fersiwn ac arwyddion o’r Canllaw Sain ar gyfer y rhai â nam ar eu clyw a fersiynau print bras o sgript y canllaw sain ar gael hefyd.

• Mae nifer o gynorthwywyr cymorth cyntaf ar y safle gyda mynediad i fagiau cymorth cyntaf ag offer llawn. Os oes angen cymorth, ewch at yr aelod staff agosaf atoch a fydd yn cysylltu â’r swyddog cymorth cyntaf perthnasol yn syth.
• Os oes argyfwng tra byddwch yn y Ganolfan Addysg, ffoniwch 029 2087 8100 a gofynnwch i aelod staff gysylltu â’r swyddog cymorth cyntaf ar ddyletswydd.

• I ymweld â’r Tŷ (rhan Oes Fictoria’r Castell), caiff tywysydd (a elwir yn Groesawydd Ymwelwyr) ei neilltuo i’ch grŵp sydd â phrofiad a gwybodaeth sylweddol ac a fydd gyda’ch grŵp trwy gydol y daith dywys trwy’r tu mewn i’r adeilad.
• Gall ymwelwyr sy’n defnyddio’r canllaw sain wneud hynny yn eu hamser eu hunain ac mewn unrhyw drefn y dymunent (gan ddefnyddio’r paneli safle sydd ar hyd y safle).
• Bydd y Canllaw Sain yn eich tywys i’r Gorthwr (grisiau serth a throellog), ar hyd Llwybr y Bylchfuriau a thrwy’r Llochesi Cyrchoedd Awyr. Mae yna hefyd mannau aros Canllaw Sain o fewn y Tŷ ei hun. Sicrhewch fod y plant i gyd yn troedio’n ofalus wrth grwydro. Mae sgrîn ar declyn llaw y canllaw ac rydym yn argymell eich bod yn aros yn llonydd wrth ei ddefnyddio rhag ofn i chi faglu neu gerdded yn erbyn rhywbeth.

• Mae cyfyngiad uchder o 3373mm a hyd o 2642mm trwy brif giât y Castell er na chaniateir i gerbydau ddod i’r safle oni bai y ceir caniatâd ymlaen llaw.

• Mae gennym yswiriant atebolrwydd cyhoeddus neu drydydd parti hyd at £50 miliwn.
• Rhoddir copi o’n hyswiriant i ymwelwyr ar gais.

• Oherwydd natur y lleoliad, cofiwch fod risg yr aiff plant ar goll os byddant yn crwydro o grwpiau wedi’u trefnu.

• Dylai unrhyw un a aiff ar goll fynd i’r ardal ger y brif giât a chael ei gasglu oddi yno (bydd aelod o staff yn sicrhau diogelwch plentyn tra bydd yn aros yno).
• Os yw athro neu arweinydd grŵp yn sylweddoli bod plentyn wedi’i wahanu oddi wrth ei grŵp, rhowch wybod i’r staff wrth y giât neu’r Swyddfa Docynnau a fydd yn rhoi gwybod i ddefnyddwyr radio i helpu i ddod o hyd i’r plentyn.

• Gall pob taith dywys ar gyfer grwpiau ysgolion domestig yn ogystal â phob ystafell yn y Ganolfan Addysg ddarparu ar gyfer hyd at 35 o bobl, gan gynnwys athrawon ac oedolion cynorthwyol.
• Yn ystod pandemig Covid-19, roedd uchafswm niferoedd ar deithiau tywys wedi gostwng yn sylweddol ac roedd yn rhaid i athrawon rannu dosbarthiadau ar gyfer teithiau tywys.
• Pe bai angen lleihau maint y grwpiau, darperir y gwybodaeth wrth i chi drefnu eich ymweliad neu mewn e-bost.
• Rydym yn gweithredu cymarebau oedolion-plant ar gyfer ymweliadau ysgol, sydd fel a ganlyn:
  – Plant Ysgol Feithrin – 1 oedolyn i bob 3 phlentyn
  – Plant Oedran Derbyn – 1 oedolyn i bob 5 plentyn
  – Blynyddoedd 1 a 2 – 1 oedolyn i bob 6 phlentyn
  – Blynyddoedd 3 i 6 (Cynradd) – 1 oedolyn i bob 10 plentyn
  – Blynyddoedd 7 a hŷn – 1 oedolyn i bob 15 plentyn
• Bydd y cymarebau yn wahanol i’r rhai sy’n dod gyda phlant ag anghenion arbennig a chytunir ar y rhain wrth drefnu.
• Rydym hefyd yn hyblyg os oes gan eich awdurdod lleol neu’ch ysgol gymhareb benodol wahanol o oedolion i blant ar gyfer ymweliadau ysgol.

• Dylai’r ysgol neu arweinydd y grŵp gysylltu â’r lleoliad os yw’n hysbys bod ar unrhyw ddisgybl gyflwr/angen meddygol penodol neu ddifrifol. Bydd angen trafod er mwyn ystyried trefniadau mewn argyfwng.
• Byddwn, pan fo’n ddiogel gwneud hynny, yn ceisio cynnwys disgyblion â chyflyrau penodol neu ddifrifol yn llawn yn y gweithgareddau a gynigir.

• Ar adegau penodol yn y flwyddyn, mae’n bosibl y bydd aeron gwenwynig ar goed, gwrychoedd ac ar y llawr. Dylai ysgolion roi gwybod i’r holl blant na ddylid hel yr aeron na’u bwyta.
• Mae rhai mathau o ffyngau hefyd yn tyfu ar gyfnodau penodol. Dylai ysgolion roi gwybod i’r holl blant na ddylid hel y ffyngau na’u bwyta.

• Ni ddylai ymwelwyr
  – fynd i ardaloedd nad ydynt ar agor i’r cyhoedd, megis ardaloedd ar gyfer staff yn unig;
  – ymddwyn yn afreolus
  – dringo ar y waliau a’r coed
  – mynd i’r bylchfuriau ac eithrio ar y llwybr a ddarperir (h.y. trwy ddringo’r banciau neu ddod i lawr y banciau o’r Bylchfuriau).
  – cymryd lluniau y tu mewn i’r adeilad gan ddefnyddio golau fflach
  – defnyddio ffonau symudol y tu mewn i’r adeilad
  – bwyta neu yfed y tu mewn i’r Tŷ
  – anwybyddu cyfarwyddiadau’r tywysydd/croesawydd ymwelwyr neu unrhyw aelod o staff
• Ni ddylai arweinwyr grwpiau adael plant heb oruchwyliaeth.

• Mae map ar gael sy’n cynnwys lleoliad y Ganolfan Addysg, y toiledau a’r cyfleusterau arlwyo yn ogystal ag eitemau eraill o ddiddordeb. Cyflwynir hyn i arweinwyr grwpiau wrth gyrraedd y Castell.

• Mae staff y Castell yn cynnal archwiliadau rheolaidd o’r cyfleusterau ac mae proses adrodd fewnol ar waith ar gyfer unrhyw beryglon diogelwch. Cofnodir archwiliadau safle mewn llyfr log.
• Caiff yr holl offer ei brofi yn rheolaidd i sicrhau ei fod yn gweithio’n dda.

• Mae staff y Castell yn gwisgo gwisg las â logo’r Castell.
• Gellir adnabod y staff i gyd yn hawdd trwy edrych am y logo neu fathodyn adnabod personol.

• Mae’n bosibl y bydd angen mynediad ar rai cerbydau i’r tiroedd ond prin y bydd hyn. Cedwir at y cyfyngiad cyflymder o 5 m.y.a. yn llym ond dylai arweinwyr grwpiau fod yn ymwybodol y gallai fod cerbydau’n symud.
• Nid oes lle i barcio bysus ar y safle; fodd bynnag mae maes parcio i fysus gerllaw, yng Ngerddi Sophia – taith tua 15 munud ar droed o’r Castell. Mae hefyd yn bosibl gollwng grwpiau yno, a all wedyn gerdded trwy Barc Bute i Stryd y Castell, lle byddant yn cerdded ar y palmant wrth ochr lôn feicio ddwyffordd i fynedfa’r Castell.
• Nid yw’n bosibl bellach i fysus ollwng yn uniongyrchol y tu allan i’r Castell. Ar adeg ysgrifennu’r gwaith, mae’r mannau gollwng bysus agosaf yn y gilfan ar Heol y Gogledd (i gyfeiriad y Gogledd), ychydig y tu hwnt i’r Castell a’r tu allan i Amgueddfa Genedlaethol Cymru. Mae map o’r rhain a’r mannau parcio coetsis ar gael ar gais ac mae gwybodaeth ar wefan Croeso Caerdydd.

• Mae nifer o ardaloedd ar gael ledled y lleoliad sy’n cynnig diogelwch rhag y tywydd (tywydd garw neu ddyddiau poeth o haul). Mae’r rhain yn cynnwys ardaloedd dan un o’r coed yn y Castell, ardaloedd yn y Gorthwr Normanaidd, y Ganolfan Ddehongli, y Llochesi Cyrchoedd Awyr a’r Amgueddfa Firing Line.
• Mae seddi ychwanegol dan gysgod i ochr dde’r prif Dŷ, y gall grwpiau ysgol eu defnyddio.
• Rydym yn cynghori’n gryf bod plant yn dod ag eli haul a hetiau pan fo tywydd braf oherwydd bod llawer o ardaloedd agored heb gysgod yn y Castell.

• Mae toiledau fel arfer ar gael yn gyfagos i’r Ganolfan Addysg, sydd ar gyfer grwpiau addysg yn unig. Mae grisiau eithaf serth i fynd i lawr at y rhain ym mhen draw’r coridor sy’n arwain at y Ganolfan Addysg.
• Mae toiled i bobl anabl yn y Ganolfan Addysg, wrth ymyl Ystafell Ceidwad y Tŷ.
• Mae toiledau i ddynion hefyd ger prif fynedfa’r Castell ac mae toiledau ychwanegol i fenywod wrth waelod Tŵr y Cloc.
• Teras y Gorthwr – Mae’r cyfleuster arlwyo yn y Ganolfan Ddehongli’n cynnig amrywiaeth o fyrbrydau a diodydd.
• Rydym yn ceisio cynnig man bwyta dan do pan fo’r tywydd yn wael ond ni allwn warantu hyn.
• Fel lleoliad a gynhelir gan Gyngor Caerdydd, mae gennym bolisi dim ysmygu llym trwy’r safle.

• Amherthnasol

• Amherthnasol

• Amherthnasol

• Amherthnasol

• Sylwer yr argymhellir defnyddio eli haul priodol yn arbennig ar gyfer dyddiau hir a phoeth yn yr haf.

• Amherthnasol

• Mae ffos ddofn o amgylch y Gorthwr. Mae ffens yn amgylchynu’r ffos. Cynghorir athrawon ac arweinwyr grwpiau i beidio â chaniatáu i blant ddringo neu eistedd ar y ffens hon.
• Mae bwiau achub mewn amryw fannau o amgylch y ffos, y mae staff y Castell yn eu profi’n rheolaidd. Mae’r rhain yn amlwg ac yn oren. Defnyddiwch y rhain os nad oes aelod o staff ar gael i helpu.
• Os bydd unrhyw aelod o’ch grŵp yn syrthio i’r ffos, rhowch wybod i’r aelod agosaf o staff a fydd yn cymryd rheolaeth ar y sefyllfa, yn gofyn am gymorth ychwanegol ac yn galw am swyddog cymorth cyntaf.

• Sicrhewch fod y plant yn golchi neu’n diheintio eu dwylo cyn ac ar ôl defnyddio’r Ganolfan Addysg.
• Rydym yn gofyn yn garedig i chi gau pob drws tân os ydych chi’n defnyddio’r Ganolfan Addysg a thoiledau’r Ganolfan Addysg, pan fydd y rhain ar agor. Mae cadw’r rhain ar agor trwy ddefnyddio rhywbeth yn mynd yn groes i reoliadau tân. Sicrhewch hefyd nad ydych yn agor y drws i’r coridor ger y Ganolfan Addysg (ar waelod y ramp). Os ydych yn gweld bod drws tân wedi’i ddal ar agor, byddem yn ddiolchgar petaech yn ei gau. Bydd gofyn i rai drysau aros ar agor i gynorthwyo gydag awyru (rhagofalon Covid-19). Holwch aelod o staff os nad ydych yn siŵr a ddylid gadael drws ar agor ai peidio.
• Cynhelir digwyddiadau arbennig yn rheolaidd yn ystod y gwyliau ac weithiau ar y penwythnos. Ffoniwch Elizabeth Stevens ar 029 2087 8110 os oes gennych ymholiadau am y digwyddiadau arbennig.